Sunday, April 10, 2005

........... الطوفه ..................

تعالوا نسال الطوفه

عن اللون الي تتمناه

عن اللون الي هي ترضاه

تبي الاحمر لو لزرق او لولصفر

اولو حتى تبي لون احنا ما نبغاه

تعالو نسال الطوفه

او قالت لينه الطوفه

(ابي الالوان مجمعه

ابي رسمه وابي صوره و ابي كلمه

و ابي دمعة حزن ممزوجه بالبسمه

وابي غيمة مطر متغطيه عن نسمه

اني التاريخ

و سال عني الرومان

و سال عني لهرامات

واهالي الصين

و اهل دلمون

على صدري ادون قصة الانسان

بالرسمات)

********************************

ليوناردوا ثلاث اسنين

ظل يرسم على الطوفه

او يرسم ناس يتعشون

اهي تسوى

او لوم انزلح من فوق

وانكسرت له اضلوعه

اهي تسوى

اقولون ان هي تسوى

ثلاث اسنين لو اربع

او لو خمس بعد تسوى

******************************

كم فنان

ظل يرسم على الجدران

مو ها اليوم

لكن ها الحجي من سالف الازمان

ظل يرسم بلى ريشه

او بلى قبان

يوم الصوره مقلوبه

او يوم الصوره مهزوزه

او يوم الصوره ما تنبان

ها الصوره اللي في الطوفه

رغم كل الذي يجري

اهي العنوان

0 Comments:

Post a Comment

<< Home